Ние сме тука: Почетна страница > Актуелности, Приказни > Зима на Земјата на мирот – Помош за птиците

Каква динамика! Насекаде црцор и шушкање, птиците живо потскокнуваат по хранилките и меѓусебно, но и со верверичките, го делат житото што им го подготвија пријателите на животни на Земјата на мирот … бидејќи зимата е многу тешко време за сите животни. Трагање по храна, студ, смрзнати поилишта – некои од нив тешко го преживуваат тоа годишно време. Затоа се посреќни кога луѓето им помагаат – ќе им понудат нешто за јадење и пиење. На Земјата на мирот во еден дел од шумата, наречен “Птичји рај”, се собрало јато птици. Некои од нив со задоволство сакаме да Ви ги претставиме...

Kako клукајдрвец припаѓам меѓу птиците жители, значи, оние видови птици кои зиме остануваат во Европа. Лете храна пронаоѓам под кората од дрвјата. Зиме се радувам на храната што луѓето ја оставаат за нас во хранилките...

Како дрозд пејач припаѓам на најталентираните пејачи. Кога ќе посакаш да го распознаеш мојот пој меѓу останатите, секоја строфа ја повторувам два до четири пати. Многу рано се враќам од својот зимски лет. Затоа многу се радувам на даровите од луѓето во хранилките…

Лесно ќе ме препознаете по портокалово-црвеното грло. Оттаму и моето име: црвеногушка. Извонредно сум музикална. Мојот репертоар се состои од 275 пејачки мотиви кои постојано ги менувам. Уште како млади птици црвеногушките можат да ги имитираат гласовите на други птици.

Знаете ли од каде јас, ѕвингалката, го добив името? При опасност испуштам остар „фррк“ - „фррк“ аларм. Со тркалачко„ррху“, „повик на дожд“, како што луѓето го нарекуваат моето огласување, јас го претскажувам времето….

Ние ќосовите многу време минуваме негувајќи си ги пердувите. Ги уредуваме пердувите и ги триеме. Сакаме да се капеме. Така, се радуваме кога луѓето во градината ќе ни постават садови со вода. Кога е многу студено, ние се накострешуваме – тоа нè загрева.

Од преку 40 различни видови птици кои живеат во Птичјиот рај на Земјата на мирот, најпознат и најраспространет претставник сум јас, големата сипка. Посебно се радувам на многуте куќарки за гнездење. Уредени со мов, лишаи, сламки и коренчиња, тие нудат прекрасни места за гнездење и живеење.

Проф. д-р Петер Бертхолд, познат орнитолог, а до 2004 година директор на Станицата за набљудување на селидбите на птиците Радолфцел, советуваше птиците да не се хранат само зиме, туку преку целата година. Условите за живот на нашите пријатели во пердуви станаа многу, многу тешки заради нас, луѓето, кои на повеќе начини им ја одземавме основата за живот. Сакате ли да помогнете? Ако имате градина или балкон, поставете храна во топчиња и куќарка за птици, или една покриена хранилка со смеска од жита. Од тоа нема да живеат само птиците, туку и по некоја верверичка. Нашите пердувести посетители многу ќе ги развеселат и садовите со вода. Внимавајте на тоа тие при силни студови тие да немаат мраз на површината, така што да можат животните да дојдат до свежа вода.

Сакате ли да помогнете? Секое евро помага!